Skip to main content

12 June 2021

TG4

  • Workshop

Samhlú na nÓg

Ceiliúradh ar chruthaitheacht agus ar nuálaíocht an óige is ea Samhlú na nÓg, mar chuid lárnach de Cruinniú na nÓg 2021. Díreoidh an togra fiúntach seo aird ar óige na hÉireann, daoine óga sna ceantair Ghaeltachta ach go háirithe, agus caithfear solas ar a mbeocht agus agus ar na talainn ar leith atá acu i dtrí chuid éagsúil  (i) TG4/Cúla4 (ii) Cruthaím agus (iii) TikTokDráma

Cúla4 Ar Scoil

Sa tseachtain roimh Cruinniú na nÓg, cuirfear an glaoch cruthaitheach a fógraíodh le gairid i láthair an phobail. Bígí ag féachaint ar Cúla4 Ar Scoil ón Máirt 8 Meitheamh go dtí an Aoine 11 Meitheamh chun an ceiliúradh uathúil seo a fheiceáil ó chniotáil go damhsa go ceol spleodrach ó chian is ó chóngar.

Cruthaím

Chuamar sa tóir ar Ghaeilgeoir óg amháin as gach contae chomh maith le duine amháin as an líon mór daoine óga ónár Diaspóra. Tugann Cruthaím glór don óige agus deis ar leith iad féin a chur i láthair agus agus na cúiseanna a bhfuil siad paiseanta faoina gcruthaitheacht a léiriú. Sna laethanta roimh Cruinniú na nÓg, féach ar ghearrscannáin bunaithe ar scéal na rannpháirtithe óga. Ag tosú ar an Luan 31 Bealtaine go dtí an Satharn 12 Meitheamh – féach ar YouTube Cúla4, spás sábháilte do dhaoine óga

TikTok Dráma

Fairytale rómánsúil na Debs nó scéal grá na ndéagóirí Gillian agus Séamus in aois seo an TikTok is ea an dráma seo. Lean bloc_tg4 ar TikTok agus faigh amach céard a tharlaíonn nuair a chasann buachaill ar chailín ar an Satharn 12 Meitheamh.

Rinneadh an dráma spraíúil, fuinniúil agus spleodrach seo a fhorbairt le daoine óga agus is daoine óga is mó atá le feiceáil ann. Beidh na daoine óga á stiúradh ag an scríbhneoir iomráiteach Philip Doherty. I ndiaidh duit ár #FairtaleTikTok a fheiceáil beimid ag iarraidh ort do #fairytaleTiKTok a insint. Taggáil muid @bloc_tg4 agus bain úsáid as an aischlib #FairtaleTikTok #CreativeIreland



Venue

04 May 2021 - 12 Jun 2021

12.00AM

Age range

All ages